Admin المدير العام
![المدير العام المدير العام](https://i.servimg.com/u/f72/13/22/73/75/w411.gif)
![Admin](https://2img.net/u/3213/17/34/20/avatars/1-1.jpg)
![ذكر ذكر](https://i.servimg.com/u/f72/13/22/73/75/mancam10.gif) عدد الرسائل : 716 الموقع : على الارض تاريخ التسجيل : 03/11/2008
![سندريلا العراقية Empty](https://2img.net/i/empty.gif) | موضوع: سندريلا العراقية الأحد نوفمبر 30, 2008 7:09 am | |
| سندريلا كان ياما كان في عتيك الزمان (من جان الرسيفر ب 5 دنانير ونص و من جان البعير همر و من جان الصمون ينباع فل( جان اكو حاتة اسمها سندرلا خوش حاتة اصيلة و علمودها غنة حسام الاغنية مال العكربة,,,المهم جان عدها مرت اب كلش خبيثة و جانت تشتغل وية الامريكان مترجمة و ابوها جان خطية يبيع قوايش مبردات حجم 1100 اب عكد النصارى و احيانا يبيع شخاط فلّ خوش ازلمة جان مال اول ... و جانو الكل سايكين على سندرلا خطية روحي سوي الجوزة مال مولد فصلت ,,,روحي اوكفي سرة عال غاز,,, روحي السهام العبيدي اشتري شحاطات ال خواتج (اللي همة جانو 3 خوات بس من غير اب هم خبيثات للهامة ),,,روحي شلعي الشتايكر مال السطح و رجعية مرة لخ,,,روحي جيبي لفات فلافل مشي,,روحي بدلي الدهن مال المولدة الاقصى كامت أتفحّط ...و هاي خطية جانت كلش حبااابة و تروح ولا تفتح حلكها (بس من جواها جان التقسيم مشتغل) المهم,,,,,الى أن يوم من الايام جانت دا اصعد مي اب جليكان ابو ال 20 (المي ضعيف و الماطور ما ايصعد لان ماكوكهرباء) لكت بالطرمة فانوس بس شنوو مزنجر و عتيك عبالك جان ابدوائر الدولة و اتحوسم جتي علية فركتة و جرررب كام يطلع دخان سندرلللا انرعصت و ازبهّلت و رجعت خطوتين للخلف بسبب المفاجأة حتة اصطمت بالدنكة(مع انه ما جان اكو دنكة) و كالت :هاي شنو العالم حتة هنا ايحركون زبل و تايرات؟؟؟شنو هال دخان هذا؟الدخان شوية شوية اتحول الى جني لابس دريس مال برشلونة و بوتين اديداس وسوار ذهب و حاط معطر freedom for men و كللها:- -شبيك لبيك عبدك بين ايديك انا الجني رامي من العرصات شتريدين اسويلج بس عال سريع لأان ماما دكتلي مسكول لازم ارجع -عمو جني اريد وطني 24 ساعة ممكن؟ -ولج بابة هوة اني ساحب واير 5 امبير من مولد للفانوس اشون اجيبلج الج وطني 24 ساعة؟ شنو جني لو وزير الكهرباء؟ -زين عمو عمو اريد قنينة مال غاز متروسة لأن امعوزين و كلش ..... -ولج عمو شنو هال حجي؟ ولج انتي شكد فكرية.. اكو واحد يطلب من جني قنينة مال غاز؟ شايفتني رابط الفانوس عال حصان؟ -عمو عمو لعد اشتكدر اتسويلي؟ -باعي عمو انتي بعدج اصغيرة و محرومة و الامير راح ايسوي حفلة و ادري عائلتج راح اتروح شنو رايج لو اخليج اتروحين و تتونسين؟ احتمال اتطلعين اب صاية و صرماية لأن الشرقية هم دا اتصور هناك حفلة طاكة بابة. - زين اشلون اروح عمو؟نفرات لو كيا؟ -بابة معليج هسة غمضي عينج.... سندرلا غمضت عينها (و من الغريب يا جماعة انه اول ما غمضت عينها ما كامت اتشوف و هذا الشي محد لكالة تفسير لي هسة)و جررررب شافت سندرللا نفسها لابسة تنورة كصيرة و بدي و حذاء مفتوح يعني طلعت حااتة اللا مش ممكن (الجني زرك السهام العبيدي و طرق عال سريع ورقة و نص و جابلهيا لأن طلع لوكي مال حاتات عتيك) و كللها الحلفة اقصد الحفلة تخلص بال 8 و نص علمود منع التجول و كل هاي الهدوم راح توكع و الحذاء و الميك اب و كلشي راح يختفي اذا عبرت ال 8 و نص و احتمال تنلعسين بالطريق -حاضر عمو شكرااااااااااااااااااااااا(هاي شكرا الطويلة مال الزعاطيط) وصلت سندرللا البيت الامير جان امسوي حفلة لان طلع 77 بالسادس حيروح اهلية احتمال او طب بيطري بعد ما اعرف و الحفلة جان بيها نجود و سمراء و ساجدة عبيد(كلة هجع و عالكة) و سهام السبتي هم جانت موجودة و الامير شاد الرباط علة راسة و امقندل و صاير طلي و ردح لليافوخ و فجأة الامير صاد سندرللا و عجبتة و كابلها جتف ساعتين و ساندرللا نست روحها و نست الكراب و السراوات و البهذلة و نزلت ردح الى ان صارت 8 و نص ......اللهّّّّ!!!!! انلاصت اتذكرت الوصية مال رامي الجني و كالت لازم اشطح و ركضتلك عال سريع جنها برزلة هس توها امجفتة و الامير وراها: -وج تعاااي شبيج اتخبلتي؟مو دا احاجيج ؟؟؟ وين امولية ؟؟؟ فضيلة(هلكد ما سكران نسة اسمها)المهم ركضت سندرللا و جررب وكع الحذاء مالتها بلا ما تدري جان الامير ايشيل الحذاء و لزمة و ضل صافن عال عالم اللي انتبهو عال لقطة و كامو ايباوعون علية الامير بقة شايل الحذاء و مصدوم و صورة سندرللا الحلوة اببالة,,, الحفلة اتوقفت طبعا و العالم سكتت من المفاجأة جان ايباوع الامير عال العالم ....صنطة.......و كال للناس : الشركة العامة للصناعات الجلدية: فخر الصناعة الوطنية العراقية خبرة و تميز في مجال المصنوعات الجلدية من الأحذية و الحقائب بأرقى المواد الاولية الفرع الرئيسي :الكرادة قرب جسر ابو الطابقين سندرلا العراقيه
| |
|
marwan_alqaisi مشرف
![مشرف مشرف](https://i.servimg.com/u/f72/13/22/73/75/w310.gif)
![ذكر ذكر](https://i.servimg.com/u/f72/13/22/73/75/mancam10.gif) عدد الرسائل : 62 تاريخ التسجيل : 05/11/2008
![سندريلا العراقية Empty](https://2img.net/i/empty.gif) | موضوع: رد: سندريلا العراقية الأحد نوفمبر 30, 2008 6:36 pm | |
| هههههههههههههههههههههههههههههههههههههههههههههههههههههههههههههههههههههههههههههههههههههههههههه والله نايس حسين يعني صدك انت روعة | |
|
P مشرف
![مشرف مشرف](https://i.servimg.com/u/f72/13/22/73/75/w310.gif)
عدد الرسائل : 19 تاريخ التسجيل : 05/11/2008
![سندريلا العراقية Empty](https://2img.net/i/empty.gif) | موضوع: رد: سندريلا العراقية الأحد ديسمبر 07, 2008 3:06 pm | |
| ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه | |
|
namra_albasra معاون المدير العام
![معاون المدير العام معاون المدير العام](https://2img.net/r/ihimizer/img224/3053/vbfs2.gif)
![namra_albasra](https://2img.net/u/3213/17/34/20/avatars/23-96.jpg)
عدد الرسائل : 143 تاريخ التسجيل : 04/11/2008
![سندريلا العراقية Empty](https://2img.net/i/empty.gif) | موضوع: رد: سندريلا العراقية الثلاثاء ديسمبر 09, 2008 5:58 am | |
| ههههههههههههههههههههههههههههههههههههههههههههههههه بشرفك منو اخترع هذا التحشيش الخرافي | |
|