مرتب ما شفت مثلك ولا صاك
ياهو الخربطك عني ولا صاك
بيديه ما ذبحت احد ولا صاك
ولجل عينك اصك روحي بديه
عمري تيهيته وضاع سني
كبرت وطاح من كدام سني
شيعي وجيف احبك صرت سني
وتيهت الخمس والمرجعيه
جمالك عذب المخلوق صفين
ومن هجرك دموع العين صفين
علينه من تمر أنصير صفين
صف ينحني وصف ياخذلك تحيه
حبيبي انت جميل وحيل فاتن
والك عشر سهام بالكلب فاتن
اتمنه انه فوزي وانت تصير فاتن
وعسانه نموت بالركه سويه
أفرمت كلبي أريدن والغي رامه
وأشيل العشك منه والغرامه
عليك انت المخطط والغرامه
لأن كلبك كسر غفله عليه
غيرك ما حله بعيني ولاطاب
ولا دونك دخل كلبي ولاطاب
جرح الكلب ما هود ولا طاب
دم انزف ولا تسأل عليه
أفرمت كلبي أريدن والغي رامه
وأشيل العشك منه والغرامه
عليك انت المخطط والغرامه
لأن كلبك كسر غفله عليه
جرح الگلب ما هود وخزن
مثل بير انترس مايه وخزن
جروحك يبن عادل بگلبي وخزن
صباح وليل ما هجعن عليه