دارميات جديدة

اجانه العيد واحنه احباب عدنه
مضينه ومن جديد انكول عدنه
اليريد ادروس عن الوفا عدنه
نعلمه بلا ثمن وبلا هدية
@@@@@@@@@
شد وياي دهري وجمع حلفه
حتى الراد يرحم كام حلفه
جنت صاج وصرت ياحيف حلفه
كبرت ومابعد تنفع قضيه


دنيا وجحيم اصبحت ماتنحمل بعداك
حبك سلب مهجتي وسل الجسد بعداك
انطيتك احلى العمر ونطيتني بعداك
غبتو يحباب الگلب وعلى مروة العمر ظليت
مشيت درب الهوى في مسلكه ظليت
ماتنوصف حالتي ماتنوصف ظنيت
ياكل بگلبي الندم فوگ الندم بعداك

عليه الدهر سل سيفه وسنه

ودخيل الي نشر دينه وسنه

حبيبي من نسب طيب وسنه


هويته ورغم حقد الطائفيه

روحي من النوايب ثكل ونهة
و مرابيع الزهت وياي ونهة

جنت امر على الزينين وانهة
ذليلة اصبحت والنيران بيه


سهم نابت بلب حشاي ماضي
وعلى كتلي بهواه المحب ماضي
وعشرتي وياك صارت فعل ماضي
وصفت اليوم حاضر بالاذيه
............................
يامن حسن الخلق ملبسه وارده
سهم لحضك صوب الدلال وارده
اتمنى اوصل الخدك واشم وارده
حتى اطيب وماتضل كل عله بيه
...............................
ارد افهم قصوري وياك شجره
ودفنتك بالكلب سباح شجره
غشيم انه وعفت طيري فوك شجره
بغابه وتاهت الشجره عليه